Silyang Kongreso

Silyang Kongreso 
Ni: Tristan Jhae C. De Vera

Sa haba ng lagi, sakit lumaganap 
Isyung Panlipunan, ang s’yang nagaganap 

Namamayani s’ya sa ‘ting isip; diwa 

Di matapos tapos, nakasusuya na

Kada tatlong taon, tao’y naghahalal 
Pinipili’y sikat: perang pinaluwal, 

‘Di s’ya ang may-ari, ‘toy kaban ng bayan 

Dalisay kailan makamit ng duyan

Kay haba ng takbo, isang araw lang ‘to 
Parito, paroon, hakot lang ay boto 

Upang kanyang kamtin, pwesto sa gobyerno, 

Ngunit ‘toy talamak, sa silyang Kongreso

Perahan lang itong sagradong eleksyon 
Kaya sa hulihan, kaso ay korapsyon 

Mula sa Espanyol, magpahanggang ngayon, 

Korapsyong laganap, agapang solusyon

Ito’y epidemyang mahirap lunasan 
Kalinangang isip, ang s’yang kailangan 

Nang matapos na itong hirap ng bayan 

Upang bunga nito’y s’yang kapayapaan